شعر على ذوقي

اذهب الى الأسفل

شعر على ذوقي Empty شعر على ذوقي

مُساهمة من طرف اقدار في الخميس يونيو 22, 2017 3:47 pm

شعر نبطي

شعر على ذوقي 611
غريب الدار

غريب الدار ومناي التسلي
أسلي خاطري عن حب خلي
سمعت الشور من قاصر معرفه
يحسب البعد عن داره يسلي
(خالد الفيصل)


يا وسيع البال

يا وسيع البال .. ضيقت الصدور
رحت ما علمتني .. وين أنت ساري
في غيابك .. ما لخلق الله حضور
وفي حضورك ما لهم بالبال طاري
(متعب التركي)


يا نفس

‏يا نفس مايرخص معاليك عوفيه
‏لو كان مردوده غناة ومسرة
‏ثوبٍ يعرّي .. ما سترك بمخابيه
‏وجوعٍ يعز النفس .. لله دره
‏(محمد العفيصان)


يا شقي القلب

يا شقيّ القلب لا أوحيت الأذان
قبل لا ترتد نفسك ردّها
ما تصلّي غير في شهر رمضان
تبني الحسنه شهر وتهدّها
(سداح العتيبي)


رفيق يحد السيف ..

يا رفيق يحد السيف ويسله
كل ما اقفى رفيقه حش عرقوبه
رفقة مالها مذهب ولا مله
يالله العفو و الغفران و التوبة
(سلطان الهاجري)


راعيت كل الناس

عقب السنين اللي مضت هم واحزان
عرفت ويش اللي مسبب جروحي
طول السنين اجامل فلان وفلان
راعيت كل الناس ونسيت روحي
(عبدالله الطلحي)


خل المسامع

خل المسامع مع كلامك تفتح
عطني وانا بعطيك علمٍ وكادي
من حين شفتك بالمفاتن توشح
أيقنت باني لو تماديت غادي
(عبدالله مرزوق المرشدي)


البس له أغلى اللبس

أبوس خشمه وأنشده ويش لونه؟
ومحبتي له ما وراها طمايع !
واقدره واشاركه في حزونه
وأثره عدو لي خبيث الطبايع!
أكْحل عدوك لين تعمي عيونه !
والبس له أغلى اللبس لو كنت جايع
(خلف بن هذال)


لا أقدر أمشي ولا أروح

سهران لين الشمس يكمل وضوحه
وانام ولا أقدر أمشي ولا أروح
مجروح روحٍ والعزا بان بوحه
واخاف سدّي من العنا يعلن البوح
(منصور بن سعدي الرمالي)


لا تزعل أصحابك

لا تزعل أصحابك.. وتفرح عليك الجبان
اللي مزاجه إذا زاد زعلك يستوي
وأحّذرك لا تجي في ماقفٍ به هوان
تشويك الأعدا على نار المهونة شوي
(سعد بن حجيوي)

أكبر مصيبة طيحة إنسان حسّاس
تسوى بعيني موت كل الخليقة
أكذب على نفسى إذا قلت لاباس
و الباس أصلا ً من زهوري رحيقة
ياما تعبت أشحذ من عيوني نعاس
مامر( .... ) عيني دقيقة
صعبه تشوف بعينك الحلم ينداس
كنّك اتطفي من دموعـك حريقة
(بركات الشمري)

ظلمتني والله قوي يجازيك
باللي بلاني خالق الناس يبلاك
شابهت عدواني و أنا طامع فيك
أقرب قريب لي هقيت انه اياك
(خالد الفيصل)

الله يحيّيك يا اللي جيت شاريني
إنفض غبآر الخفوق و رتّب عروقه
(خالد سعد الدوسري)

اقدار
اقدار


الرجوع الى أعلى الصفحة اذهب الى الأسفل

شعر على ذوقي Empty رد: شعر على ذوقي

مُساهمة من طرف سرى الليل في الخميس يونيو 29, 2017 7:41 am

مميز تسلم ع الذوق
سرى الليل
سرى الليل


الرجوع الى أعلى الصفحة اذهب الى الأسفل

شعر على ذوقي Empty رد: شعر على ذوقي

مُساهمة من طرف صاحي في الأحد يوليو 09, 2017 7:24 am

ذوق حلو وراقي
صاحي
صاحي


الرجوع الى أعلى الصفحة اذهب الى الأسفل

شعر على ذوقي Empty رد: شعر على ذوقي

مُساهمة من طرف جبرني الوقت في الأربعاء يناير 24, 2018 2:16 pm

روعة تسلم على الإختيار المميز

جبرني الوقت


الرجوع الى أعلى الصفحة اذهب الى الأسفل

شعر على ذوقي Empty رد: شعر على ذوقي

مُساهمة من طرف رؤية حقيقية في الثلاثاء مايو 08, 2018 10:02 am

مميز ذوق حلو

رؤية حقيقية


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى