المواضيع الأخيرة
» اسماء اولاد نادرة وغريبة
» احلى وأجمل اسماء البنات الجديدة 2018
» اسماء حلوة للبنات والاولاد مميزة وغريبة
» اسماء اولاد 2018 تصلح للجنسين
» اجمل واحلى اسماء اولاد وبنات مميزة وغريبة
» سلفه بدون كفيل بدون تحويل راتب
» اجمل اسماء الذكور والاناث 2018
» اسماء اولاد 2019 مع المعنى
» اسماء اولاد وبنات 2030
» اسامي حديثة للأولاد
» اسماء بنات واولاد من اصل انجليزي
» اسماء بنات تركية حلوه ومميزة
» افضل اسماء للاولاد 2018
» اسماء كردية ومعانيها جديده
» اجمل اسماء البنات الجديده 2018 عصريه ملكيه
» احلى اسامي البنات في السعودية
» اسماء البنات الحديثة
» اسماء اولاد احلى اسماء الاولاد الجديده
» افضل اسامي البنات في الانتر نت 2018
» افضل واحلى اسماء البنات الجديده بحرف الميم 2018
» اسماء بنات تركيه تهبل 2018
» كلام عن الجرح من اقرب الناس ليك
»  لا تشكو للناس جرحاً أنت صاحبه لا يؤلم الجرح إلا من به ألم
» احلى كلام عن العمر
» أجمل كلام عن غروب الشمس
» اجمل كلام عن جمعة الاهل
» اسماء بنات جديدة تبدأ بحرف الميم 2019
» كلام عن الفقد مؤثر جدا
» اقوى موضوع تعبير عن الارهاب
» احدث اسماء بنات عصرية ملكية جديده 2019
» اسماء قطط 2019
» احلى صور للقطط في العالم
» كلام يجرح المشاعر
» كلمات تعبر عن المشاعر
» كل الحب كل الغرام
» كلام عن القهوه
» كلام جميل عن الحياة 2019
» شعر غزل فاحش ملعون جدا
» بيتين شعر غزل
» بيت شعر ملكي
» كلام حلو عن رمضان كريم
» ابلغ بيت شعر في الغزل
» تدرين ان الجمال
» رائعة المتنبي
» انتظرها محمود درويش شرح
» جاءت معذبتي في غيهب الغسق نزار قباني
» شعر عن الغيرة نزار قباني
» شعر عن فقدان الاب
» شعر عن الام مؤثر جدا
» شعر غزل وصف الجمال
» روائع الشعر النبطي
» اجمل ماقيل في الشعر النبطي
» اجمل شعر عن الوفاء
» شعر غزل فاضح
» شعر عن المعلمة
» احلى شعر عن جمال العيون
» بيوت شعر عن الحب
» شعر عن الصديق
» اجمل ابيات شعر عن الصداقة والاخوة
» شعر عن الشوق والحنين
المتواجدون الآن ؟
ككل هناك 398 عُضو متصل حالياً :: 0 عضو مُسجل, 1 مختفون و 397 زائر :: 2 عناكب الفهرسة في محركات البحث

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 1967 بتاريخ الثلاثاء يوليو 11, 2017 6:19 pm

اجمل شعر عراقي 2018

استعرض الموضوع السابق استعرض الموضوع التالي اذهب الى الأسفل

اجمل شعر عراقي 2018

عراقي قصير ، شعر عراقي عتاب ، شعر عراقي شعبي ، شعر عراقي رومانسي ، شعر عراقي حزين عن الحب ، شعر عراقي غزل ، شعر عراقي حب ، شعر عراقي قصير عن الحب


أحبّك مو لأن انت حلو- عبد الحسين الحلفي

أحبك مو لأن انت حلو لا

لأن روحي التقت كبلي ولك بيك

اذا إنت تمُّر ع الأعمى يصيح الله

والأخرس لَّون حاچيته يحاچيك

أذب كلبي على سهمك وآنه مجروح

واكلك دير بالك أخاف أأذيك

إجرَّحني ولك بس كون عالكيف

لأن إنت ويَّه دمي وخاف أبديِّك

إجرحني ولك بس كون ما موت

حتى مِن يتهموَنك أبريّك

على المراية وكفت ما شفت وجهي

وشفت وجهك طلعلي وكمت أحاچيك

وثبت بمرايتي وجهك مرايات

وأباوع وجهها مرايتي بيك

بكذلتك شِّد ركبتي وطلع الروح

أريدنها بعد تتكرب عليك

أنت بحضني واكول بعيد

اريدن هيچ كون آنه انخبط بيك

بيا شارع مشيت كبالي ألاكيك

أفوت بغير شارع هم ألاكيك

أرد للبيت كبلي الكاك بالباب

اطب كبلي تطب وتكلي أتانيك

بغيرك فكّرت كلت آنه أنساك

طلع غيرك يشبهك وفكرِّت بيك

طلع غيرك يشبهك وفكرِّت بيك




محتاجة كلش إلك – شهد الشمري

محتاجة كلش إلك يلي شاغل انت الفكر

محتاجة إلك مو حجي وارتاح من ينذكر

هنيّاله من كابلك يا أحلى صورة شعر

محتاجة إلك ما تجي ما باقي شي بالعمر

زعلان؟ ليش الزّعل زعلان آنه اعتذر

بس ارجع لخاطري صير على نحري




عطر

صير على جفني كحل

حليني بين السمر تعبني ذرف الدّمع

بس ما طفالي الجمر بركان في داخلي

ويا خوفي لا ينفجر شو مأخرك ما تجي

ما ظل إلك كل عذر

أهلال جرحك كمل أي كمل وأصبح بدر

صدكني حيل اتعبت حبّك عسر مو يسر

اترجيت وتوسّلت بيك شكثر وشكثر

ما فاد بيك الرجه وجبرتني لهل أمر

ما بعد أضلن شهد خلّيك منّي حذر

واحجيها لا تستحي كول أنت طبعك




غدر

حبّك تحيّة صبح ما تلفض بالعصر

روح وبعد لا ترد شي عادي صار الهجر

اللي ما عرف معنى العشك ما بعد أحطله كدر

جانت درجتك ألف بس هسّه صارت صفر




أحبّك

أنا بس بالكلام وذايب بحبّك

وأفكر بيك أنا في ليلي ونهاري

إذا شفتك صدّك شو يصير أنا بحالي

أظن يغمى عليّ وافقد إبصاري

تعال وصير إلي بالحب غطا وفراش

ودفّيني بحنانك واعرف أسراري

أحبّك كالطفل من يهوى صدر أمّه

يموت من القهر لو فطمته إجباري

زرعتك بالعشق وردة وصرتلك ماي

غصن حبّك شرب من أعذب أنهاري

أنا بدونك مثل بيت أنهدم ساسه

تعال ابني أساسي وابدأ أعماري

حبيبي ارحم بحالي حن على قلبي

أنا بهجرك دمع بعيوني ضل جاري

صرت أنت بقلبي كالنّبض والدم

وسمّيتك حبيبي ملهم أفكاري

تعال وخلي أيدك تشبك أيديّ

واحضنّي وطفّي بالعشق ناري

وخلّي شفتي تشرب مي شفافك

أريد بشفتك ترتوي أزهاري

أريدك كالحمامة تحط على بيتي

وأريدك كالثريّا تنوّر بداري

تعال وصير إلي أنت الهوا والماي

وأريدك كالبلابل تسكن أشجاري

تعب قلمي وأنا اكتبلك قصائد حب

ولكن للأسف ما تفهم أشعاري




يا قمر

بهيدة على بختك يا كمر، مساهر وأريد أشكيلك

انه غريب ابدنيتي مضيّع وادور ابليلك

عن ربعة اهلي ، ودلّة الديوان ، ومواويلك

عن ضحكة البربين لعيون الدلو

عن رقصة الصفصاف والماي الحلو

عن صحبتي، وخلاني، وعيون النّهر

بهيدة على بختك يا كمر

يا غربتي

غربة عصافير التودع عشوشها برفّة جنح

ويا دمعتي

دمعة الكاع اللي تبكي موت اهروشها بجيت الملح

يا دار أهلنا الطاهرة مر العمر

عيون الحب امساهرة وما مش خبر

بهيدة على بختك يا كمر

وك يا كمرنة مروتك حنّي الشواطي بدمعتي

كلهم كبرت أعله الصبر والونّه صارت غنوتي

مشتاق ابوسن دجلة واشرب مايها

واعزف ترانيم المحبّة بنايها

دجلة الهوى، والسّوق، والحب، والسّهر

هذه أشعار تحكي عن الفراق نوردها لك:
أشعار شعبيّة عراقيّة حزينة
• أنا اللّي عشت بالدّنيا اصارع غابة الأحزان

حزن هموم عذابي يبتسم فيهــــا


تعبت بدنيتي هايم وصرت بدنيتي حـــيران

تعبت وهذي الدّنيا دايم ألاقيهــــا


زانا في داخلي نغمة وجدها داخلي فــنان

وجدها نغمة حيّة وتبغى من يغنيها.



• محبتنه جذب مو كالو تموت

ولتصدّكهم الكالو لك نسيتك


لأن أنت شراكة بالنّفس ويّاي

وما أتنفّس أني بغير ريتــــك


تدري أنت شكثر بيك أنّي محظوظ

وأحسّ بختي كعد لمن لكيتك


وإذا فكّرت أعوفك وأنسى ذكراك

ياخذني الكلب كوّة على بيتك


حجولي شكد عليك وكلت عذال

عاندت الحجو عنّك وجيتــــــك


كالو صعب دربه يتعبك هواي

ورغم هذا التّعب كله اعتنيتك


كالو بس أذيه وعوفه وأرتاح

عفت الرّاحة أنا وميّت آب ذيتك



• يسقط سجن شوكك ولك مو ملّيت

ما مرّة رحمت بحال مسجونك

شفتني لوحدي وأنت جمالك جيش

واحتلّيت قلبي الماكدر دونك

راح أدخل حرب صبرك بدون سلاح

واشمّت بيك كلّ المايكدرونك

واجبرك تنسحب متعذّب ومكسور

وأشلع ضحكتك من لمعة سنونك

أنا نطيتك عمر شمعة عذاب وليل

بس كلّ الخذوك شراح ينطونك

ثواني بلا سبب كدرو يغيرونك



• يا دنيتي ليه أنا حالي غريب؟

القلب يشكي جروح من دون أسباب

أجلس وفي قلبي طعون وتغريب

والعين كلّ الوقت تبكي‏ من الأحباب

يا دنيتي تكفين

لاصرت عايش طول عمري بتعذيب

فالموت أرحم

من زمن ما به أحباب



• أنّه بخير شكراً، من سألت الحال؟

لتكرّر بعد ما بيه حيل ذنوب

يمكن جذبت لمّن كلت أنساك

مو يمكن

أكيد الشّوك بينه وماكدرنه نتوب

كتبت اسمك بورقه واشمرتها أبير

كلّي شبيك خايب ما تخاف الحوب؟

خايف حوبتك؟! لاوالله مو بس خوف

أنا بفكرت وداعك عقلي طب حروب

وي كلبي تعارك وخسرت الثّنين

هذا المايريد، وهذا بيك يذوب

وك عليمن جاي تسأل عن الأحوال؟

وتهيّج المواجع والأشواك تلوب

خليني بمكاني من بعيد أهواك

وإذا يهتزّ حنيني بوجهي سدّ البوب



• راح أصبر بدونك وأرهم بلياك

وأذبح رمش عيني الجان يبجيلك

وأتحمل عذابك والبعد والشّوك

وما حط صورتك كدّامي وأشكيلك

ما أكلّك نسيتك بس جرح بالرّوح

يكسر واهسي وما يقبل أمشيلك

عيني الشّالتك كلتلها أشيلج راح

كالت شيلني وما قبلت تشيلك

وجرحي ألفاك صدره وما يريد خيّاط

واكف جنُّه واحد جاي يدعيلك

بس مجبور أدفنك يا عشك يا شوك

وأقرى الفاتحة وبالوحشه أصلّيلك

بعيوني الحزن يقرونه اليواسون

والفوك الحزن لو تدري شاحجيلك

شمّات الأجو وأسوني ثالث يوم

حيل ويّاك كالو مدري شدّ حيلك



• أجى واحد عليّا وكالي شبيك؟

أحسّ حملك ثكيل ودمعة بعيونك

وأحسّ داخل كليبك نار تشعل نار

وأحسّ ظهرك حنيتة وهدّلن متونك

كتلة القصة هيج وهيج بيّا الصّار

صـــــاح: الله أكبر، عمّي خيعونك

ما يسوون إظفرك خلهم يولّون

ما عدهم كلب ذولا اللّي يخونونك

تتعذّب عليمن أنتَ هم إنسان؟

بس دوس أعلى كلبك لا يدوسونك

وعليمن تنتظرهم والله ميرجعون

حيــــل بعيد صاروا ما يذكرونك

ولو بيهم أمل أنتظر جان ويّاك

بس قاسي كلبهم ما يفيدونك

وأُخُذ منّي نصيحة وعوف دمع العين

صافن لا تظلّ باجر يعبرونك.




قصائد شعبيّة عراقيّة حزينة

الآتي قصائد جميلة اخترناها لكم آملين أن تنال إعجابكم.




مو عدل

مو ميت عدل وإكبالي أشوفك دوم

وأتامّل رحيم الغيبتك رجعة

ما صدّك غفل يا بويا عنّي تروح

مستعجل تريد فراكنا بسرعة

كدّامي القلم كلّ ساعة أشمّن بيه

بلكي علقلم نيشان من صعبة

وشكد ذكريات مخلي عالورق

وحجايات حلوه أبالي متجمعة

نقرى بدفترك حد ما تطيح عيون

والبوم الصّور نشتاق ونطلعه

عيني عالدّرب من ربعك إيردون

أكولن بلكي أشوفن جاي وي ربعه

ويطول انتظاري او وكفتي علـ باب

عين اتاني تبقى وعين بالدّمعة

شريد أنسى يمّا منيلّي النّسيان

هو الجرف ينسه الماي ويودعه

يا بويا العراقيّة تسولف بيك

لمّن تذكر اسمك كلبي اتكطّعه

تبقى عيوني تربي مكابل الشّاشات

بلكت صورتك لو صوتك تسمعه

ظلمة ليل صارت دنيتي بلياك

يلحاروك حياتك للوطن شمعة

أنت وكل شهيد والطّاح وفّه الكاع

يا سيف العراق أو مهرته ودرعه

اقتع روحي يمكن لو كلت أنساك

بس كلبي الدّفنته ويّاك شيقنعه




منين إجيت

الدّنيا مو دنية عشك يبن الحلال

لا تخلّينه بمحبتك ننجبر

أنت ابن العافية وابن الدّلال

واحنا ولد الموت ربّانا الفقر

بينه وبينك فرق كلش جبير

وما نكول أسباب كلّ هذا الفرق

وما نكمل السّالفة لحد الأخير

أمن الأساس ويّاك مسدودة الطّرق

ويّاك ما نرهم وما ترهم محال

ويّانا ما تكدر تدوم وتستمرّ

وباهو كلّك بالسّهل درب الوّصال

وأنت تدري دروبنا مورثة جمر


منين أجيت وبالعشك عندك يقين

منين اجيت وياهو سوّالك درب

أنطيني مهلة وخلّ أشوفن وضعي زين

وخلّ أشوف أنوب هم أكدر أحبّ

كلبي تيهتا وشرد ما أدري وين

وأنّه صار إسنين ما عندي كلب

وخالي كلبك وأنت بعيونك جمال

كل جمال الكون يمّك يعتذر

نبع شفتك يعني كلماتك زلال

والعطش بالرّوح تاركم جم فطر


منين أجيبنلك خلك يرهم عليك

وأنت آية إمن الحسن وأحلا الدّلع

وأنّه يا فرحة إلّا حطّه إبين إديك

وأنّه بجفوفي عمر شلت الوجع

حتّى ما عندي ابتسامة إمنردّ أجيك

وليش تشلع كلبك بكلب انشلع

وليش تطلع خاسر ومشلول حال

وتترك الضّحكة وعليمن تنقهر

راجع أفكارك بعد عندك مجال

ليش بيه تريد كلبك ينكسر


أدري بيك تحبني ما داعي الكلام

وأدري بدموعك صدّك تبجيلي

من تجيني لا تكلّمني بغرام

عَفْيِة عوف الشّوك لا تحجيلي

أنّه ليلي بلايا وأهسّ ما أنام

إشلون لو صرت أنت واهس ليلي

وإشلون لو حبّيت شكلك والخصال

وإشلون لو باجر تروح وتعتذر

هم ترد لمن أكلّك تعال

وتنتظر لمّن أكلّك انتظر


إحنا عدنه الحبّ يعني الحبّ عذاب

ولازم أمن ننحب نذب بالحبّ فلك

ولازم نحب باب بيتك والتّراب

ونحب كلشي العايد وراجع إلك

ونحب ناسك كلّها شيب أوية الشّباب

ولازم نحبّ كل عمامك وي هلك

ولازم نحبّك نحب الخال خال

وكلّ هذني شويّة لتكول إشكثر

إحنا ما عدنا العشك صفنة وخيال

إحنا من نحبّ نطك وننفجر


نخاف من حبّك لأنّ حبّك جديد

ذهب جنّه وياهو إليشوفة إنعجب

والمشاعر فقرة معضدها حديد

وأنت يمّ الفقرة لا تطلع الذّهب

ويّاك ما نصقل بعد لا ما نعيد

عوفنه ولتكول بينولي السّبب

إحنا ما عدنه جواب لأي سؤال

لأن من شفناك تيّهنا الفكر

هم شفت فد يوم كالو للدّلال

ليش متحمّلة حضن نار الجمر

الدّنيا مو دنيا عشك يبن الحلال

لا تخلّينه بمحبتك ننجبر

أنت ابن العافية وابن الدّلال

وإحنا ولد الموت ربّانا الفقر




ما تحبني

بيني وبين نفسي

إشكد أفكّر بيك

وأكول إشمعنى أنت الشّاغل اضنوني

مو أول عشك خاطر

تشلّ الحال

ولا أول جمال إتشوفك عيوني


شجاها الرّوح

يمّك ذبت الأسرار

وليش أرجف عليك وينخطف لوني

وحتّى النّاس

كامت تعرف بهل الحال

وما أعرف شكلهم من يسألوني

يطبون بصفنتي

وعنك إيدورون

ويلكوني أفكر بيك، يلكوني


وصاحت كلها صاحت

هذا هذا فلان

وما عندي لكوك، وبيك إتّهموني

إتّهموني

بمحبتك والله لو يدرون

على ضيم العليّ إيضلّ يواسوني


ما يدرون عايفني

بمهب الرّيح

وأنّه وياك عفت إلما يعوفوني


يحبوني إشكثر

والجيتي إيتانون

واخجل من كثر ما كام يتنوني

وأنت إلما تحبني

إشلون بالله ويّاك

أمرن بيك، ما أمرّ باليحبوني


عفت إللّي شروني

ومن أردي إشلون

هم أسوة بعد، والنّوب يشروني

حبّيتك شجاني

وما حسبت إحساب

خيعونك عليّ، مو أنا خيعوني


متحبني، وأحبّك

والمصيبة أنوب

أريدك وأنهزم، من اليريدون


ومن دونك صرت

ما أعيش وي النّاس

وأنت بكل سعادة تعيش من دوني

بأحزانك

أودّي دموعي تبجي ويّاك

وبأفراحك

أبد ما تذكّر إسنوني


من سمعو أهلنا

العشك دك الباب

ما خلّوك أهلك، وأهلي خلّوني

ما خلوك أهلك

حكهم يخافون

بس أهلي المحبتك شلع باعوني


كون أتشوّف

كون أتشوّف

عفت كلشي، وجبت كلشي

ومدري شلون إجيت أمشي

إجيتك ردت أكلّك شوف

ردنا نعوف كلشي وماكدرنا نعوف

كون إتشوف حالي إشكد إلك ملهوف؟


جبت كلشي إليسولف بيك

خيالي وصحوتي وطيوف

جبت دكّات كلبي الكطعن كلبي بجفاك إسيوف

جبت صفنات روحي

إلسودنت روحي

مثل جنّ بمسّيه وعل يتيمة يحوف

كون إتشوف

بشفافي الحزن ما خلّه بسمه تعيش

وكلمن كُمت أبوسه بخدّه أطبع أوف

كون إتشوف

دموع الجدم ما يدري وين يروح والخطوات عميا

وتايه بلا شوف

كون إتشوف

خلصت الوجوه وشفت كلّ النّاس

كلّها وجوه غربة ولا وجه معروف

وين ألكاك يالموصوف

إليه أنّه وإلك موصوف؟

يالفركاك غربة وكلشي ما مألوف

إنّه بلياك مدري شبيه ما بيه

زلف وبلايا ترجيه

درب ما بيه كل جيه

نهر فاض وتبع ميّة

رجع بس مالكاله إجروف

كون إتشوف

روحي شخلة بيها الخوف

مطلوبة نذر وتخاف

ما توصل حضرتك

من بعيد طوف


كون إتشوف

روحي شخلة بيها الخوف

مثل دم العروس الجايّة أعلى إجناب

ويصبر عليها

وجابها الزّافوف


وشوف إشخله بي الخوف

مثل حلّت مدارس

روحي أحسّها أطفال

حلّت وتركتني

وباقي بس صفوف


ويا وحشة صفوفي ومن يجيني اللّيل

ويالون الوجه

بعدك الظّل مخطوف

ويا قسوة ضنوني إلما تريد أرتاح

وأنّه الصّاير أسير

وبيدهن مجتوف


كون ألكاك وأشكيلك

على جروحي ألكيت

الغشمة بيها تروف

وكون ألكاك وأبجيلك وأسوّي خدودي سبّورة

ودمعتي حروف

وكون ألكاك وأحجيلك

بكتاب السّنين إنحذف كلشي الجان

بس اسمك لكيته الباقي ما محذوف

وأذكرك من مسحت دموعي

بآخر يوم على خدودي

أحسّ لهسّه طبع إجفوف


وكون إتشوف

إعيوني مضيف تصير وكت النّوم

وهلبت بلحلم لنّك

تجينه ضيوف

كون أتشوف حالي

شكد إلك ملهوف




شلون أصبر

غيابك حبيبي إشلون أصبّر الرّوح

يا حال إليظل على حالي من تروح

جرحك بالكلب داويته بس ما طاب

وبطاري السّفر زيدت قلبي إجروح

ما أنساك لو سافرت عشر إسنين

وشوكت ما تردّ باب القلب مفتوح

يمّي أنت وأحسّ بيك إبعيد

وأبد ما فكّرت يجي يوم منّي إتروح

صحيح أنّي كلتلّك سوّي كلشي إتريد

بس على البعد كلتلّك هذا ما مسموح

النّفس أنت الأشمّه ولو تروح شلون

شلون تريد أعيش إنّي بلياك

وإنّي أشتاقلك من إنت موجود

من تبتع أظلّ للصّبح ما أنام

وإذا ما تصدّك نجوم السّما شهود

أموت أني بغيابك لمّن تروح

لن حبّك بكلبي ماله حدود

يوم التّسافر أحجز لشخصين

لأن ميم بالميّة ويّاك قلبي إيروح

وشما تبتعد خلّيه دوم ويّاك

أحسّ ما يظلّ بروحي بس مذبوح

شي يبقالي بحياتي وأنت ما موجود

بس همّ وأذيّه وألم وجروح

رسمك كمت أشوفه من أغمض العيون

ولو يعمن عيوني ما أظنّه يروح

ما أريد أحظنك لو صار الوداع

لأن من أهدّك تطلع الرّوح

عشكتك وأدري أتعب إبحبّك

رضيت بقسمتي وملهوفه تدريني

أريد أكضي العمر ويّاك

تدري أنت بغيابك حيل تأذيني

عيني إلما تشوفك تنعمي وللدّوم

لأن أنت حبيبي فرحة إسنيني

تعال وخلّ أضمّك حيل يهواي

وأريد إبكلّ حنانك أنت تحويني

تعال وخلّ نطفي الفُركة والنّار

وعلى صدرك أنام اللّيل خليني

طويناها صفحتك وانتهى الموضوع

فعل ماضي صفّيت وخلصت المدّة

إش تتوقّع أبوس أجدامك من تروح

وأسحك كبريائي وأطلب النّجدة

صحّ جدمي عثر من شفت طولك لاح

لكن ما نخيتك من طحت عمده

توجيت على جرحي وما طلبت العون

لأن أدري إليطيح إجفوفه لتسنده

صحّ الكمر أكبر والنّجوم إزغار

بس تحلّه السّمة مو بالكمر وحده

وإذا ساكت ترى مو لأن ماكو لسان

مرّات الصّمت من الحجي أبده

وجفّ الماي صافح جفّك بالحسّاس

لا تعتب عليه وتنتخي بزنده

من أكتب شعر لا تعتقد بطران

البلابل بالقفص من ظيمه مغرّدة

ما صدّك بعد دمعاتك من أطيح

همّ يهمل دمعة العين لورمده

روح بلا وداع وكل أثر ما ريد

إللّي كتب عالرّمل يعرف قدر كتبه

حرامات التّعب للمايجازيك

وحرمات الوفى للطّبعة خوّان

جرحك بالملح تكدّر تداويه

ويزيدك عطش لو جنت عطشان

شما تتعب على العكرب تربية

يلدغك لو جنت لحظه غفلان

تترجى الوفا أي وين تلكيه؟

وتتأمّل تمر من جذع ذبلان




أصبّر الرّوح

أصبّر الرّوح بيش وإنت بيه الرّوح

وإذا تطلع أظلّن بس جسد خالي

لكيتك من جنت ما لاكي كل النّاس

أنت أول محبّ وأنت صرت تالي

يلكلّك محبّة وأنت أحنّ مخلوق

معقولة الحمامة تصير كتالي

صح ماكو بجمالك أني أدري بهاي

وروجه رقّتك ما كظها أي جالي

حرام عليك تزعل وأنت الصّوج

أجيك أنا أعتذر وبلا ذنب خالي

تزعل ليش

غالي وكلشي عندي وما أهدك دوم غالي

وهسّه حبّك جيف صرت غالي

أحسّك تختلف عن كلّ النّاس بعيوني أشوفك عالنّجم عالي

وأشوفن دمعتك ما جنها تنزل ماي

ذهب تنزل دمعتك تجدح أتلالي

إلك بستان عمري بكل ثمن مزروع

راضي بكلشي منك كلشي يحلالي

أجيك ومن أرد فارغ أردّ للغير

وعنب بس على مودك تارس أسلالي

يمّك أنسى روحي ومن أكون ويّاك

وعلى فنجان شفتك تركع إدلالي

الواشي بلا بخت مرني وزعلك

أموت أنا ولا يوم أجرحنّك وزعلك

حلو كلك على بعضك وزعلك

بحلاتك فدوة بس أرضى عليّا.


تسال عليه شلونك شلك غرض شلوني
انته أبعدت عن عيني هسه تريد عيوني
هسه تريد وياي
وين جنت يهواي
ردتك تجي تسكتلي شماتي من حاجوني
تسال عليه شلونك شلك غرض شلوني

شعب تَمرَّس في الصِّعاب ولم تَنَلْ منه الصعاب
لو هَمُّه انتاب الهضاب لدُكْدِكَتْ منه الهضاب
مُتَمَرِّدٌ لم يَرْضَ يومًا أن يُقِرَّ على عذاب
وعُداته رغم الأنوف تذلُّلاً حانو الرقاب
مثلٌ حدا حادي الزمان به وناقَلَت الركاب
إِنْ تجهلَ العَجَبَ العُجاب فإننا العَجَب العُجاب


الك وحشه بدليلي جنها غيمه
تمر بعيون سهرتُ تمطر إدموع
أحس آنه بغيابك ماكو أنوار
مَطْفيّه بغيابك حتى الأشموع
أمس جانت فرحتي ماليه الدار
وهسه بسبتك هلصرت موجوع

هذه بعض الأشعار العراقية التي قيلت في الحب


موعد حب




هو / اشلونچ يا أعز الناس عندي .. هو الگلب چم أحبيبه عنده ..


هي / هزني الشوگ عالموعد اتانيك ..


وأعد بيدي الدقايق وحده وحده ..


وحده .. اثنين .. هاي الثالثة تروح ..


اتاني وصار هالموعد اشبعده نمت حسبالي اشوفك بالحلم جاي ..


وگلت دمعاتي احطهن وسط خده

هو / نمتي .. هنيالچ غفيتي ..


وآنة ليلي يمر على عيوني صبح الينيَّم وردة ويمسد عليها..


مو مثل ليلولي وينيم جرح .. !!


والغفه ابكلمة محنه ..


مو مثل الينام وبعينه ملح ..!!



هي / لا حبيبي ..


آنه هذا الليل من يمرني دمعة..


وحزن.. واشواگ .. وحنين آنه عيني عليك ما بطل دمعها ..


تبچي ما تسكت العين ..



هو / لا .. لا تبچين ..


امسحي دمعتچ وارجوچ لا تبچين ..


يل دمعچ جمر وخدودچ احلى أورود ..


خايف على اخدودچ من دموع العين ..


لا تبچين ..


وردة وتحترك ما تحمل النيران ..


يذبل كل ورگها وتستحي من الطين ..



هي / وانت تگلي لا تبچين ..


مو عمري انتهى .. وايامي كلها أتروح ..


لو راح العمر متگلي اجيبه أمنين ..؟



هو / لا تبچين ..


المن بعد المن تسوه دمعه أتطيح ..


هو اشباقي بينا ونحترگ كل حين ..


تعبنا القهر ممشى جزيرة وخوف ..


صار الماضي غلطه وچنه غلطانين !!


لا تبچين لو يسوه العمر يمكن بچينا اسنين ..



هي / اشلون اتگلي لاتبچين ..



هو / لا تبچين ..!!



هي / تدري انت اليحب ما يگدر اعله النار ..


ويا نار اللي بيَّه أتفزز الميتين ..


احتاج الدمع من ما اشوفك يوم ..


لأن يصبح عليَّ اليوم خمس سنين ..!!


حبيبي لخاطري ..


لا تبتعد ارجوك ما احمل فراگك ..


تدري كلش زين ..



هو / بس ارجوچ لاتبچين ..


خوفي آنه عليچ من الدمع والله ..


مرات الدمع ياخذ حلاة العين ..


ويل كلچ ترافه ارجوچ لا تبچين

بَرِد تموز حبك من يمر صيف


وحر تشرين يانار اشتياقي


راقي ما شفت بس انته والله


والغيرك چِذب من گال راقي


وكافر بالعشگ ماعندي الايمان


بس بعدك نعم صار اعتناقي


واحساسي نبي من راد يهواك


كسّر كل هُبل قبل التلاقي!


يا شعري وقضيتي والمكاتيب


ياسهر الليالي واحتراقي


الك كل العمر ومقصِّر وياك


يا بيتي و محلتي وكل زقاقي


وعليك العين تعمه لو غبت يوم


ويحالي شلون لو طال الفراقي


لا تبعد عَلي ياسلوة الروح


وعهدي اوياك اسمعه واتفاقي


على هذه الگلب كثره اليمرّون


وعيونك فقط بس انته باقي


وصحيح انته حلو وهواي عشاگ


لكن يختلف عشگ العراقي


صدّگ يختلف عشگ العراقي





خربت من شفت جنحان عند الفيل .. ومن شفت النوارس صارت ذيابه


وخربت من شفت مرَّه الأسد مرعوب .. خايف ما طلع بالليل للغابه !


مجنون الزمن لو عقلي المجنون .. هذا الشفته من هو اليعرف اسبابه؟


وجبت ايدي غصب گتلهه فركي العين .. بلكي مو صدگ وينچ يا سبّابه !


تالي اتيقنت موبس حلم لا طيف .. واقع حال بس ظنوني مرتابه


شفت الناس .. بعض الناس .. غير الناس .. شفت الناس نفس الشفته بالغابه


واحد من يهد ويهد گبل بالسيف .. عاف السيف هسه وينخه بگراب


واحد مقتنع يوسف كلاه الذيب.. وتگله چذب وايگول لا يابه


واحد ما دره .. ما يعرف الي صار .. شاهد راح لمن صارت اطلابه


واحد ينسأل تعرفهه بت فلان .. جاوبهم چذب وايگول حبابه


واحد چان واحد هسه صار اثنين .. لأن وجهين عنده وغاش اصحابه


أو .. واحد ..


أو .. واحد ..


أو .. واحد ..


والاضرب بعد سألوا طفل بالعيد.. شتحب تشتري.. شنجيب لـعّابه؟


دبابه صرخ يلعب حرب وايريد ميعيّد اذا ماعنده دبابه !


وطفل ثاني شرد يرضع شوارع گام.. ويكره للأسف مدرسته وكتابه


وطفل ثالث .. وطفل رابع .. وطفل خامس ..


واخيراً


مجنون الزمن فعلاً طلع دولاب .. وبكيفه يفر لو راد دولابه ..


وبكيفه يفر لو راد دولابه

الرجوع الى أعلى الصفحة اذهب الى الأسفل

رد: اجمل شعر عراقي 2018

شعر مميز الله يرجع العراق لامجاده

الرجوع الى أعلى الصفحة اذهب الى الأسفل

رد: اجمل شعر عراقي 2018

روعة تسلم على الإختيار المميز

الرجوع الى أعلى الصفحة اذهب الى الأسفل

رد: اجمل شعر عراقي 2018

مميز الشعر العراقي دائما

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

َ