اكثر المواضيع مشاهدة
المواضيع الأخيرة
» ربعك لمنك شفتهم صارو احزاب
»  اكل التمر وترا
» افضل فوائد الخيار للوجه
» افضل شامبو جديد للشعر
» فساتين زفاف 2018
» افضل فوائد الزعفران كاملة
» شعر الامام الشافعي عن الدنيا والناس
» اسماء بنات كوووول عصرية
» اسماء اولاد غريبة عصرية كووول 2019
» افضل فوائد حبة الرشاد
» معلومات عن الخسوف وطريقة الصلاة
» اسرار لعبة لودو
» معلومات دقيقة عن السياحة في جزر القمر
» حكم وامثال بالعربية
» اهم فوائد قشر البطيخ كاملة
» شعر غزل فاضح
» افضل فوائد بذور الشيا كاملة
» يَافَاتِنَ العَيْنَيْنِ جِئْتُكَ مُرْهَقَاً
» قصيدة نبطية مليئة بالحكم
» اسماء الله الحسنى بالصور سبحان الله العظيم
» افضل علاج تساقط الشعر 2018
» الفرق بين الرعد والبرق سبحان الذي يسبح البرق والرعد
» شعر غزل فاحش ملعون جدا
» فساتين سهرات فخمة ملكية 2018
» افضل فوائد اليانسون للمرأة
» شعر عن التكبر وشوفة النفس
» ابيات شعر عن الموت
» اهم معلومات عن الطاووس
» شعر عن الحسد
» شعر عن الصديق الخاين
» شعر عن الخيانه قصير
» طبخات انستقرام جديدة وسهلة
» اسهل طريقة لعمل كرات اللوتس
» شعر عن العشق والهيام
» تجسس علي اي هاتف وراقب جهازك في غيابك
» Lg v هاتف ال جي في الجديد !
» فساتين قصيرة للمراهقات 2018
» طريقة عمل بريد هوتميل بسهولة
» كتابة سيرة ذاتية cv باحتراف
» فساتين احلام الورية 2018
» طريقة عجن البيتزا بسهولة
» حبة حلاوة لتكبير الثدي
» دعاء استوقفني
» كلام جميل ١٠٠%١٠٠
» افضل رسائل حب 2018
» حكم واقوال مميزة بالصور والكتابة
» كلمات غزل قوية ومميزة
» رسائل حب وشوق وغرام للعشاق
» حكم جديدة
» حكم مميزة 2018
» احسن دعاء مستجاب باذن الله تعالى
» اجمل حكم من افواه الفلاسفة
» حكم وامثال متنوعة ومميزة
» كلمات كبيره وكثيره عن الام الحبيبه
» اجمل كلام عن حب الوطن
» كلام حب انجليزي مترجم حلو ومميز
» اجمل كلام الشكر والتقدير
» رسائل حب حلوة ذوق
» اجمل كلمات راقية عن الصديق الوفي
» اجمل عبارات وحكم جديدة

شعر غزل فخم جدا

استعرض الموضوع السابق استعرض الموضوع التالي اذهب الى الأسفل

شعر غزل فخم جدا

شعر غزل


حظ الحمامة تلقط الحـب وتحـب
                         شفـة فتـاة ربهـا اللـي قبلهـا

بنت صغيرة تاخذ العقـل والقلـب
                        تلعب مع فـرخ الحمامـه وتلهـا

جاها الغريب وقال يا مطعم الحب
                        أطعم غيور غيرته مـا احتملهـا

واقفت لاهلها تلعن الطير وتسـب
                      ما ادري زعل ولا غضبها زعلهـا

هذا وأنا لانـي متيـم ولا صـب
                     لاشك روحي غردت مـن هبلهـا

والروح لا طربة ترى مالها طـب
                       غير القصيـد اللـي يـروح مللها

والقلب لا شاف التعاجيب يعجـب
                       والنفـس عيـت لا تخلـي زللها

والعين صدتها عن الزين تصعـب
                      وأنا ادري انه ياملا مـن جهلهـا

ياهل الجماله خبرو حلـوة النـب
                      اللي حمام الورق يهـوا غزلهـا

قولو لها ليه اهل الهوى مالهم رب
                      لا جاوروهـا تشتكيهـم لاهلهـا

خالد سعود الكبير
ـــــــــــــــــــ

انت تدري وش أجمل منك في عيني
                    انت لاصرت مبسوط على شاني

تكرم البسمة اللي منك تكفيني
                      كيف أناديك عمري والعمر فاني

كل شي خلق بك لك يناديني
                         إنت غير الجميع ولك غلا ثاني

قلت أبذكرك وأثرك ساكن فيني
                            بين عيني وعيني ما تعداني

انت تبخل بك يساري عن يميني
                        آه يا ليت تدري منك وش جاني

ليه لا قلت أشوفك وإنت بتجيني
                     جاك قلبي يسابق خطوة لساني

من سلامك نبت في راحة يديني
                        ألف غصن يميل من الغلا حاني

قبل تسأل من اللي لك موديني
                           انت وديتني والشوق وداني

سعود بن عبدالله
ــــــــــــــــــ

الحب عظم صورتك في خيالي
                    ولا أنت ميت قلب ماعندك أحساس

توني عرفتك بالليالي التوالي
                     سود الليالي تكشف الناس للناس

الحب زين صورتك في خيالي
                 صورة جميلة عكسها فقد الاحساس

تكذب علي في قولك اني لحالي
                     واني غديت بداخلك مثل الانفاس

واتقول حبك فاق وصفي وخيالي
                  وغيري كثير الي سمعها من الناس

صحيح حبك غلطة في الي مضالي
                     جرحت قلب تعرفه حيل حساس

بعرفك سود الليالي التوالي
              الي اكشفت مثلك من الناس اجناس

وان كان قصدك رجعتي ماطرالي
               مثلك ترى قدره على الارض ينداس

علي القحطاني
ـــــــــــــــــــــ

بصفه , يوقف , وهو , قلبي
                         قلبي وهو قلبي يوقف بصفه

صد وزعل لا وحلالاه يارضاه
                        لا واهني اللي يعرفون شفه

مدري وش اللي مزعله لا عدمناه
                          حلف ولكن ماوفا لي بحلفه


أنا أشهد انه حد قلبي على أقصاه
                      ولف تمكن واسرف بحال ولفه


عنده خبر ماني بعايش بلياه
                      قلبي معه لا قال الفه .. الفه


حتى ولو يجفا أنا ماأقدر أجفاه
                    لا عب قلبي لعب لا عاد عرفه


والمشكل اني لا تعاندت وياه
                   قلبي وهو قلبي يوقف بصفه

خالد المريخي
ــــــــــــــــــــــ

تخوفني مشاوير الطريق المظلم المهجور
                        والي مني ذكرتك قلت طولي يامشاويري

عزاي انك رجاي العذب لو كل الدروب عثور
                      وصلت او ماوصلت اعرفك مانته منتظر غيري

حبيب وكل الله .. لاتحسب اني بليد شعور
                    لو انت المستحيل الصعب مابدي لك معاذيري

احبك رغم تجريح الليال .. لقلبي المقهور
                      اشوف الجرح يكبر .. وانت تكبر وسط تفكيري

احبك لو يموت الحب .. وتصير القلوب قبور
                                 احبك كلمة .. لو حرموها حل تفكيري

احبك من هنا حتى طلوع الفجر حد النور
                         صحيح انك قدر محتوم بس اجمل مقاديري

بعذر اللي يحبك لو يصير الشاعر المشهور
                                 لانك تنهمر حلو القصيدة في تعابيري

احد ربي يحطك له حبيب .. وما يجيه غرور
                              وانا مهما بغيت استوعبك ياقل تقديري

هلا بك من قدمك لغرتك .. لشعرك المنثور
                      هلا في كل شئ فيك وانت اغلى مساييري

اثر صدق الغلا يجبر حطام الخاطر المكسور
                      وانا مهما منحتك من غلاي .. اشعر بتقصيري

ولو طالت مشاوير الطريق المظلم المهجور
                             انا لامن ذكرتك قلت .. احبك يامشاويري

مساعد الرشيدي
ــــــــــــــــــــــ

عفا الله عن خطا غدر الخناجر والضلوع ابطال
                                       باسامح واتركك تحت الظلام الحالك لحالك

دخيلك وفر دموعك ترى هدر الدموع اذلال
                                      وترى مافيه احد يصبر مثل صبري بغربالك

انا عيب علي انقض كلامي والرجال iiافعال
                                        واذا قلت اقطع حبالك تراني بقطع حبالك

عشان اكسب هدب عيني تجرعت العذاب iiاشكال
                                            وليتك تراف بحالي علشان اراف بحالك

مسوي في حياتي شي مايذكر ولا ينقال
                                           حتى العدو واهو العدو ما يعمل اعمالك

تمسيني على الهم وتصبحني على الغربال
                                               تقلطني فناجيلك وتقصر عني دلالك

تحملت التعب لاجلك وانا حملي يهد iiجبال
                                       رحلت من العذاب وما وقفت الا على جالك

علامك كلما اجيك متواضع جيتني تختال
                                     معاك اليا متى باصبر وصبري معك يحلى لك

مثل ما اقبلت لعيونك لزوم تلدلي iiباقبال
                             ومثل ما قد حشمتك حس واحشم قلبي اشوالك

انا محد بجابرني اساير معك iiهالمنوال
                                             ترى ماني تبيع لك ولاني اصغر عيالك

انا حبيت اعشقك نبض ومشاعر ما اعشقك تمثال
                                 انا جيت اسكنك واحياك وابقى فيك وابقى لك

انا جيت اب ظمى عاشق تعب يطرد سراب اللال
                                       انا جيت استفز رضاك من فرقاك والجا لك

انا ما همت بك عاقل انا كنت اعشقك iiبخبال
                                   انا ما كنت احبك حي انا كنت اعشقك هالك

تخيل من كثر ما خفت تلقى للزعل مدخال
                             اخاف اخطي على طيفك وادوس برجلي ظلالك

تبعتك والعرب تتبع رعود البارق الهمال
                                     وانا شفت المطر يتبعك في حلك وترحالك

كأن الي خلق حسنك خلقني مع جسدك ظلال
                              وصرت اقرب جسد يمشي معك باقفاك واقبالك

ابي قلبك يحس انه فقد بمحبته رجال
                               ملكته من هدب عين وخسرت ارضاه باهمالك

صحيح ان الفراق اقسى ولكن الوصال محال
                                وانا صعب على ارضي غرورك واضعف قبالك

بعد ما حققت عيني فبعدك للرقاد امال
                                          اعود للسهر  ياخوي فال الله ولا فالك

ببدل نظرتك فيني واجي لك كل يوم بحال
                                          باكون اقرب من ثيابك عليك ولا اتهيالك

بالمك وانثرك واجمعك وارجع انثرك باهمال
                             باخونك وازعلك وارضيك وازعل منك وارضى لك

ابرسم بالثرى وجهك وابدفن صورتك برمال
                                     ابشكي للعرب فرقاك واضحك عند عذالك

ابهديك الوصال فراق واهديك الفراق وصال
                                 باسوي مثل ما اشوفك تسوي وافعل افعالك

عشان تعرف من فينا الزعول ومن وسيع البال
                                         ابيك تذوق فنجالي وانا باذوق iiفنجالك

نصيحه واحتفظ فيها قصر معك الزمن او طال
                                   ابي تسمع كلامي زين وتحطه على بالك

اذا حبك هبال اطفال لك عندي هبال اطفال
                                       ولا وابشر بعد بهبال حب ماهو بهبالك

واذا قصدك تهين اسمي عشان تشمت العذال
                               ترى لا انت ولا غيرك ولا عشره من اشكالك

حامد زيد
ــــــــــــــــــــ

بري حالي لانتهى العصر وأعلن الانسحاب
                            وخلت الشمس الصدارة ومالت للغروب

وأذن المغرب وساد الفضا مثل الضباب
                             وانتهى والليل لبس الأماكن لبس ثوب

وأردت همومي على قلبي الصلب الخراب
                             وأردت هيام الضوامي على عد جذوب

كلها هانت ولا هنت يا هم الغياب
                             من محبت صاحبك صرت ياهم محبوب

اخذ ليلك بأوله وكل واشرب في رحاب
                               قلب من شدة طهارته تجفاة الذنوب

ايه والدنيا مساكن ورحلة واغتراب
                                    والغلا بالوقت هذا مميز بالعيوب

واشمل بجسمي واعدي على روس الهضاب
                          وكل ما ضيعت وجهي دريت انه جنوب

ويش اسوي فيك يا عن تلعات الرقاب
                         وانت واقع والتمعان في عيونك هروب

انت مجرم حب لا ويش جاب لويش جاب
                           انت عذب عذّب رجيلي بشوك الدروب

صرت اهاب من التزاحم وانا ما كنت اهاب
                     وامشي ب لو اني على المشي مغصوب

صرت اجمع من جروحك وكلماتك عتاب
                 وقبل اقول وشفيك تجرحني استغفر واتوب

صرت احسب الناس ما كنت احسبلها حساب
                   وصرت اكذب لأجل ترضى وانا ماني كذوب

شوف مهما صار بي انحنائي انتصاب
                               العب بعمري وبعثرة بيدك باللعوب

ادري ان الجاذبية تسبب الانسكاب
                    وادري اني منسكب وادري ان يديك كوب

سلت فأرضك وارتوت بي وفاضت بي عذاب
                               لين حبتني قلوب وتعادتلي قلوب

فأعرف ان زولي غدير وحكاياهم سراب
                            والمقادير الأيادي وشين الحظ طوب

يعني ليامن رموني حقيرين الجناب
                      صار زولي عشرة ازوال وعيوني قروب

اتعذب لأجل اداريك عن طيش الشباب
                     واتوحد لين يطغى على وجهي شحوب

ماني استاهل كذا منك ياوبل السحاب
                             لا تبللني وانا ودي انك ما شروب

بيتني وادخل بقلبي ياقلبي باب باب
                   واخطر عروقي برجليك يسمر دوب دوب

جل من ولع عروقي بقنينة تراب
                   نوب تضحك من عذابي وتبكي منه نوب

لو لي دعوة وحيدة وهي بتستجاب
                             قلت ياربي ليا مر خالفه الهبوب

زوي قلبي كلما ازويت خصرك بانسياب
                        وقف العالم يرد البحر من كل صوب

يا خلاصة شهد وعذوق ما لذ وطاب
                         يا مغلبي وانا ما بعد صرت مغلوب

يا مسفرني لوجهك ذهاب بلا اياب
                          يا معزز بالغلا يا مقدر يا محسوب

بيتني واذهب بي بعيد يامال الذهاب
                ضمني بيديك بجمد على صدرك واروب

انت لو ضميت تمثال من ضمتك ذاب
                  كيف لو ضميت صدر على ذكرك يذوب

سعد علوش

ــــــــــــــــــــــ

حبيبي لا تعذر ما على صدق الحبيب جدال
                       رضت عنك العيون وهاك قلب فز بأعشابه

على وعدك تجيني يا حبيبي صاخب الميصال
                          عليك من اليدين وناسها هرجه وسبابه

هلابك وين ما يشرق نظرك الناعم القتال
                      هلابك وانثنى غصن الزمان وطار باسرابه

عذاريبك قليلة يا حبيبي كايد العذال
                            ولكنك بقلب من سكنته حارسك بابه

عيون(ن) شافتك عن قرب قرب يهمها تختال
                       على بعض العيون وكل طير يحب مرقابه

انا اللي سلمك قلبه دلو عشق وغلاك الجال
                           وتليته بحبل من جفاك وضاق بأسبابه

فداك اللي تبي هاك الجمل والحمل والجمال
                   جلب تلك السنين وكل سوق وطيب مجلابه

يا الطف من طيوفك في عيون(ن) للسهر مدهال
                        لجني خايفات وكل طيف احلى من ثيابه

احبك كثر ما ينسى زمانه مستريح البال
                            واحبك كثر ما قلب المسافر حن لترابه

شبيه الشمس لو مالك مثل شمس السنين ظلال
                       ترى كلن يموت الا قصيد(ن) يبكي احبابه

وانا ليلي قصايد او قصيدي ليل لا تحتال
                 هذا بعض الغلا باقصى خفوقي جاك باعشابه

نايف صقر
ـــــــــــــــــــــــ

شيٍ بدون احساس ما اقتنـع فيـه
                         اخطيت يوم انـي طلبتـك حنانـك

لاصرت فاقد شي وشلون تعطيـه
                       مهما نطق لي بالمشاعر لسانـك

جاملتني به وانت تجهـل معانيـه
                         مني نصيحه تنفعـك فـي زمانـك

الاشعـورك لاتبيعـه وتشـريـه
                            كانـك تقـدر قيمـه الحـب كانـك

واللـي يـودك لاتحـاول تعنيـه
                          حتى ولو عليـت بالقلـب شانـك

ابقى يتيم الحب جرحـي اجازيه
                          وانت خلك يالغضي في مكانك

سعد ال سعود (منادي)

ــــــــــــــــــــــ

تولعت بك والله كتب لي على فرقاك
                 حسبيي على الحظ الردي كانه اشقاني

انا ماشعرت اني مع الناس قبل القاك
                               ولاذقت للدنيا طعم قبل تلقاني

ولاكنت احس بروعه الحب قبل اهواك
                        ولولا عيونك ماكتبت اجمل الالحاني

سقا الله ليالي خالده عشتها وياك
                          بدرب الحويه بين عشب وغدراني

تذكرت يوم اقبلت كنك تحسب خطاك
                               تمايل بعود نايف الطول رياني

وترفع طرف ملبوسك الضيق بيمناك
                     وشلال شعرك تنشره فوق الامتاني

سعود بن بدر

ـــــــــــــــــــــــــــ

أعذلوني فيك عشاق النصيحة
                       ونشدوني عن طرفين الحكيا

أن شكيت الهوى قالوا فضيحة
                ان سكت استنقظوا جرحي عليه

واعذابي كان لي نفس صحيحة
                        خيرت ما بين صدك والمنية

ان نويت البعد ضاقت كل فسيحة
                 وان بغيت القرب خان القرب فيه

كيف ابخفي الحب وجروحي صريحة
               كيف احجب الشمس ياخلي بيديا

كيف أداوي علة الروح الجريحة
           وين اودي دمعة دمعة العين الشقيه

من عذلني في الهوى الله يبيحة
               ومن عذرني ماحصل مني خطيه

بدر بن عبدالمحسن

ــــــــــــــــــــــــــــ

الله أكــبر كـــيف يـــجرحن العيون
                   كيف ما يبرى صويب العين ابد

احسب ان الرمش لا سلهم حنون
                  اثـر رمش العين مــا ياوي لحد

يـــــوم روّح لــي نــظر عــينه بـهون
                  فــزّ لــه قــلبي وصفّق وارتعد

لــفّني مـــثل السحايب والمـــزون
                   في عيوني برق وبقلبي رعــد

نــقّض جــروحي وجــدّد بي طعون
                   قلت يكفي قالت عيونه بـــعد

وانــعطف هـاك الشعر فوق المتون
                   وانثنى عـــوده وقفى وابــتعد

اشـــغلتني نـــظرة الـــعين الـفتون
                  حـــيّرتــني بالـــتوعد والـوعـد

هي تــمون الـــعين ولاّ مــا تـــمون
                لى خذت قلبي وقفّت يا سعد

خالد الفيصل

ـــــــــــــــــــــــــــ

الا واشيب عيني يوم قالوا لي فمان الله
                           وتحققت انهم من عقب لا ماهم مقفيني

تغايا لي خيال الموت يومه مد لي يمناه
                            ولد بعينه الخرسا عقب ماقفى يراعيني

نهت وقلت مماجال بالصندوق واعزاه
                                 سراب اللال باكر يطرد مابينه وبيني

حلفت برب خلقه لو يطول البعد انا منساه
                         انا وشلون ابيع اللي من العربان شاريني

تصبر ياخفوق صار داه اليوم وسط ارداه
                       على رجوى ان رب العرش يدنيهم ويدنيني

مثل ماخذت قلبي المحبوب عطني اياه
                       على شان انتساوى في المحبة بالموازين

ايلا قارنت غيرك بك خجلت وقلت :وانقصاه
                         انا وشلون اقارن كامل الاوصاف بالشين

ولو هو في حلى يوسف كسف لي بنت نور اضياه
                                 وختم القول ربٍ بك تبلاني يقويني
عبدالله الفيصل
avatar
صاحي


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

َ